اسطورة الذكرى

منآأسبه القصيده :: سفر بآأبآاتي




ترى مهما تدور الأرض ولو لف الزمان وجار♫ ♬ ♪ ♩ ♪يبقى في المشاعر طيف ينسج باقة زهوره

ولو طالت بنا المده او شاءت بنا الاقدار♫ ♬ ♪ ♩ ♪ يبقى حبنا منثور في التاريخ اسطورة

فقدتك والظلام يجول ويطفي فرحة الانوار ♫ ♬ ♪ ♩ ♪رحلت ومن يصبرني لبعدك غير هالصورة

اطالعها صباح وليل وانثر عنّها الأغبار♫ ♬ ♪ ♩ ♪ وأبللها لأجل تصفى بدمعة عين مكسورة

واعانقها لاجل تسمع ي ابويه نبضي الثرثار ♫ ♬ ♪ ♩ ♪متعبني يبه نبضي تغرد لأجلك طيوره

جميع الناس تتكلم وأسمك دايم التكرار ♫ ♬ ♪ ♩ ♪ وانا كل ما طروا اسمك احس الدنيا مهجورة

غيابك حيل تاعبني وفكري تايه ومحتار ♫ ♬ ♪ ♩ ♪ابوصلك ولكن كيف؟ خل الاحوال مستوره

تطري دايم ف بالي وانسج من غلاك افكار ♫ ♬ ♪ ♩ ♪ ابرسل لك صدى صوتي؟ ولا اصير عصفورة؟

احلق في السما عالي وألفت لأجلك الانظار ♫ ♬ ♪ ♩ ♪ واجمع كل مشتاقٍ وكلنٍ يثبت حظوره

ولكن الخيال كبير وما كل من تمنى صار ♫ ♬ ♪ ♩ ♪ ابي هذا وابي هذا وكلنٍ يكتم شعوره

ابختم آخر أبياتي وانثر عطرها الفوار ♫ ♬ ♪ ♩ ♪وابرسم لوحه الذكرى حتى لو بطبشورة

ما نسى حظنك الدافي وتبقى ريحتك تذكار ♫ ♬ ♪ ♩ ♪ حملت اسمك وانا أفخر وقالوا عني مغرورة

وآقول ليش ما اغتر ؟وابويه الفارس المغوار ♫ ♬ ♪ ♩ ♪رفع راسي وإهو تاجٍ عليه وشامخ بنوره

عسى ربي يحفظك ليّ وترجع لأهلك وللدار ♫ ♬ ♪ ♩ ♪يفرقنا السفر لكن ذكراك بقلبي محفورة



نقدكم ورأيكم يهمني ،، ｡◕‿◕｡

تسلمي ..
روووووووعه..