بالعدني يعني بالعدني والعدني كلامه أحلى خباره

بالعدني يعني بالعدني
والعدني كلامه أحلى خباره

داك وديك ودونا دي أسماء الاشارة
وبابور وانجيز دي عندنا نقوله للسيارة
...
والشاي عندنا شاهي
ملبن واحمر ودبل نص
والخمير ساعات ساعات نقله مقصقص

لا اشتي ابغى ولا شو بدك ولا شو هيدا
الولد نقله ليد والبنت عندنا ليده

والي يضبحبنا نقله روح يا دباره
طلعتلي الضغط وفقشتلي المراره

وحسك وأوبه وباشوفك وياويلك
كلمات تسمعه لما يكون أبوك ناويلك

والي يقلك أنا قدنا منك فوش
الكلام الكثير شوف لا تكثروش

ضبحان وضيقان وخليلي حالي
ضبحتبي الحرمه ونكدو عليا عيالي

والليوة رقصه نشوفه من فوق العماره
والحافه عندنا ياناس أفهموا هي الحاره

وزقرة وغسل ومقيل على فنانين
دي حفلاتنا قبل الزفاف بالنادي بيومين

والكلام نقله شوهه وحشوش
والطفران هاداك الي فلوس ممعوش

كلمة كلمة حرف حرف بالعدني أكيد أحلى
غير كلامك يا عدن قلبي ما أستحلى

الله ع الكلأم العدني