اهداء للكويت

زائر

سلام يا وجيه الرجـال المطاليـق *** اللي لهم في المجـد مجـد ٍ يعـدا
وسلام يا شيوخ الكويـت التفافيـق *** أخـوان مريـم ذكرهـم قـد تمـدا
بالعز والناموس وأيضـا التوافيـق *** يوم الشجاعـه سيفهـم مـا تـردا
وأثني سلامي ود مافيـه تسويـق *** ما نيب ادور مدحـة ٍ فـي مسـدا
من دار أبو متعب علومي مرافيـق *** بين الحنايـا وبيـن هجـس ٍ يلـدا
يم القلـم وأناملـي لـه مسابيـق *** والقلب وكـره والنظـر مـا تعـدا
وضع العرب من غير زود ٍوتلفيـق *** فيهم جهل والحسـد بيـن وعمـدا
وأيضا النفاق وللدعايـه مشافيـق *** ووضاعهـم مابيـن جـزر ٍ ومـدا
هذا الدليـل ولا نبـا فيـه تبريـق *** العلم بيـن والهـدف مجـر هـدا
(قال العـرب أشـد كفرومنافيـق) *** آيـه كريمـه فـي نحاهـم تـردا
واحْنا عرب وإسلامنا دون تفريـق *** لبنه بلبنـه مـا يجـي فيـه هـدا
لو حاولوا هدمه نجـوس ٍ مدانيـق *** حنـا لهـم وصفوفـنـا تستـعـدا
ما كلنا في صـف ظلـم ومداريـق *** فينا شعـوب تضـد ماهـي تضـدا
حق الوطن والدين وعرض المخالي *** فيهـا عيـون الهاملـه مـا تلـدا
وشعوب فيهـا كاثـرات الخنابيـ *** فيهـا النطيحـه والرديـه تـهـدا
وشعوب نصّرة شعب والوالي عيـق *** درب ٍ يبونـه محتميـن الأشــدا
هـذي حقائـق والأدلـه بتحقيـق *** على الـذي نشنـاه واللـي نـودا
ما اخفيتهـا بينتهـا بكـل توثيـق *** مهيـب منـي لـيـت ولاّ لـبـدا
الله خلق في الناس كاذب وصديـق*** والله خلق في الكون حـر ٍ وعبـدا
وحنا ربينا فـي علـوُ الشواهيـق *** ستة الرواسـي ثابتـه مـا تشـدا
فيها الثوابـت والعهـود المواثيـق *** وأيضا عمـود الديـن هـو المبـدا
الأم فيهن تحّضن النيـر واطويـق *** واهّنه على سيف البحرشرق نجـدا
الكل منهن تحتـوي يابـس الريـق *** والطرش عنهـن بالرهايـف معـدا
وإن جاء نهار ٍ فيه للحرب تصفيـق *** الصـف واحـد للوطـن والمـفـدا
بيت التعاون ما يجي فيـه أراويـق *** حنـا ستـاره مـن عـدو ٍ تحـدا
وأختامهـا قفلـت كـل الطواريـق *** باريـاح مسـك ورّد معهـا ينـد